Yaşam Beynəlxalq Məktəbi XXI əsrin çağırışlarına cavab verən, müasir dünyanın tələblərinə uyğun formalaşmış beynəlxalq təhsil mühitidir.
Statistikaya Baxın, Güvənimizi Hiss Edin
Vizyonumuz və Missiyamız
Dünya və cəmiyyət üçün dəyər yaradan, bilik və mənəvi dəyərləri ilə fərqlənən, qlobal düşüncəli və yaradıcı fərdlər yetişdirmək. Təhsildə yenilikçi yanaşma və davamlı inkişafla şagirdlərimizi öz potensiallarını kəşf edərək gələcəyin liderlərinə çevirmək əsas məqsədimizdir.
Təhsildə Dəyər, Həyatda Uğur
Hər bir şagirdin fərdi inkişafını dəstəkləyərək, onların intellektual, sosial və mənəvi dünyasını zənginləşdirmək. Təhsildə müasir metodları və ənənəvi dəyərləri birləşdirərək, yaradıcı, məsuliyyətli və özünəinamlı nəsil formalaşdırmaq üçün çalışırıq.
DƏYƏRLƏRİMİZ
Yaşam Beynəlxalq Məktəbinin təhsil fəlsəfəsi dörd əsas prinsipə dayanır:
İnsana dəyər və fərdi İnkişaf
Biz inanırıq ki, hər bir uşaq unikal bir dünyadır. Məktəbimiz hər bir şagirdin maraq və qabiliyyətlərini kəşf edib inkişaf etdirməyə yönəlmiş şərait yaradır. Tənqidi düşüncə, yaradıcılıq, emosional zəka və liderlik kimi XXI əsr bacarıqları tədrisin ayrılmaz hissəsidir.
Qlobal və yerli dəyərlərin birləşməsi.
Qlobal vətəndaşlıq anlayışını şagirdlərə aşılayaraq onlara həm milli köklərə bağlı qalmağı, həm də qlobal dünyada məsuliyyətli iştirakçı olmağı öyrədirik. Dərs proqramımız beynəlxalq standartlara uyğun olmaqla yanaşı, yerli mədəni irsin qorunmasına və təbliğinə də xüsusi önəm verir.
Təcrübəyə əsaslanan öyrənmə və etik liderlik
Yaşam Məktəbi öyrənməni həyatın özü ilə birgə yaşanan bir proses kimi görür. Layihə əsaslı öyrənmə, sosial məsuliyyət təşəbbüsləri, debat və simulyasiya proqramları vasitəsilə şagirdlər nəzəri biliklərini real həyat bacarıqlarına çevirirlər. Məqsədimiz düşünən, hiss edən, qərar verən və yön verən vətəndaşlar yetişdirməkdir.
Dayanıqlı texnologiya və ömürboyu öyrənmə mədəniyyəti
Müasir dünyada dəyişən biliklərə çevik uyğunlaşmaq və daim yenilənmək əsas bacarıqdır. Yaşam Məktəbində şagirdlər texnologiyadan istehlakçı kimi deyil, yaradıcı və məsuliyyətli istifadəçi kimi yararlanmağı öyrənirlər. Eyni zamanda, biz onlarda ömürboyu öyrənməyə, fərdi inkişafı davamlı proses kimi görməyə əsaslanan düşüncə tərzi formalaşdırırıq. Məqsədimiz dəyişən dünyaya uyğunlaşan yox, onu yönləndirən şagirdlər yetişdirməkdir.
